பொருளடக்கம்
About Us | தளம் பற்றி | வலையுகம் | VALAIYUGAM
அல்ஃபாதமிழன்
2006-ல் எதேச்சையாக இணையதளங்கள் பற்றிய ஆர்வம் ஏற்பட்டு அவற்றை உருவாக்குவது பற்றி அதிகம் தேடிக்கொண்டிருந்த வயது.
அப்போது தான் பிளாக்கர் வெப்சைட் பற்றி அறிந்தேன். எனக்கென ஒரு வலை பக்கத்தை உருவாக்கி அதற்கு எனது பெயரின் முதல் இரு ஆங்கில எழுத்தும் எனது நட்பின் பெயரில் முதல் இரு ஆங்கில எழுத்தையும் இணைத்து (ALFA) அல்ஃபா தமிழன் என்ற பெயரை சூட்டினேன்.
அன்று முதல் பிளாக்கில் எழுத ஆரம்பித்தேன். பள்ளிப்படிப்பு காலத்தில் நூலகத்தில் படித்த பல புத்தகங்களின் தாக்கமும், எனது தந்தையின் மளிகை கடையில் பழைய பேப்பர்களில் இணைந்து வரக்கூடிய வாரமலர்கள் சிறுவர் தங்கமலர், சிறுவர் மலர் போன்ற புத்தகங்களின் வாசிப்பில் பயின்ற நினைவுகளையும் கொண்டு எழுதத்தொடங்கினேன்.
2010 காலப்பகுதியில் டொமைன் ரினீவல் செய்ய போதிய தொகை (ரூபாய் 500) இல்லாததினால் ரினீவல் செய்யாமல் விட்டுவிட்டேன். அதன் பின்னர் 19-06-2012ல் ஹமாஸ்.காம் என்ற பெயரில் ஒரு டொமைன் ரிஜிஸ்டர் செய்து இயக்கி வந்தேன்.
ஹமாஸ்.காம்
ஹமாஸ்.காம் கடந்த 19-06-2012 முதல் இணையத்தில் இயங்கி வந்தது. பலரின் கேள்வி என் தளத்தின் பெயர் பற்றியே இருந்தது.
மூன்று ஆண்டுகள் முடிவடைந்த நிலையில் கடந்த 2015 ஜூன் 20ம் தேதி முதல் நமது ஹமாஸ்.காம் தளம் புதிய பொழிவுடனும், இஸ்லாமிய தமிழ் இணைய தளங்கள் பற்றிய விமர்சனங்கள் போன்ற புதிய செயல்பாடுகளுடனும், இயங்க தொடங்கியது.
இத்தளம் இஸ்லாமிய சமூகத்தின் அவலங்களையும், சமூகத்தின் கவனமின்மையையும் எடுத்துரைத்து விழிப்புணர்வை ஏற்படுத்த வேண்டுமென்ற நோக்கத்தோடு துவங்கப்பட்டது.
ஹமாஸ்.காம் தளத்தில் சமுதாய விழிப்புணர்வு கட்டுரைகள், கவிதைகள், தொடர்கள் மற்றும் தொழில் சார்ந்த பதிவுகள் என பல்சுவைப் பகுதிகளும் பதிவிட்டு வந்தேன்.
ஹமாஸ் என்றால் உற்சாகம் என்பது பொருள். அந்த வார்த்தை பிரயோகத்தை மக்கள் ஏதோ தவறான வார்த்தை போல நினைப்பதுவே நமது தளம் மக்கள் மத்தியில் சென்று சேரவில்லையோ என்னவோ?
தளத்தின் பெயர் காரணமாக நண்பர்களின் கருத்துக்களை கருத்தில் கொண்டும், நமது விழிப்புணர்வு பிரச்சாரம் மக்களுக்கு சென்று சேர வேண்டும் என்ற நோக்கத்தோடும் தளத்தின் பெயர் மற்றும் அதன் இணையதள முகவரி ஆகியவற்றை மாற்றம் செய்தேன்.
வலையுகம்
வலையுகம் என்ற இணையதளத்தை பல ஆண்டுகளாக சகோதரர் ஹைதர் அலி என்பவர் இயக்கி வந்திருந்தார்கள். ஏதோ காரணமாக அந்த தளம் முடக்க நிலையில் இருந்தது. அந்த வலையுகம்.காம் என்ற டொமைனை நான் வாங்கி அதன் பெயரில் இயக்கத் தொடங்கினேன்.
வலையுகம்.காம்
சமூக அவலங்களை தோழுரிக்கும் தளமாக வலையுகம் தொடங்கப்பட்டது.
இருபதாம் நூற்றாண்டின் அபரிமித விஞ்ஞான வளர்ச்சியில் மாபெரும் பங்கு வகிப்பது வலைதளம். அரசு முதல் ஆண்டி வரை ஒட்டு மொத்த மனித குலமே ஏதோ ஒருவகையில் இணையத்தில் இணைந்து தான் இருக்கின்றனர்.
நேர்கொண்ட பார்வையில் பார்ப்பவர்களும் உண்டு, எதிர்மறை கோணங்களில் காண்பவர்களும் உண்டு, நல்லவனும் உண்டு, கெட்டவனும் உண்டு, படித்தவனும் உண்டு, பாமரனும் உண்டு.
இப்படி யாரும் விதிவிலக்கு இல்லாமல் ஒருசேர இணையும் இடம் தான் இணையதளம். ஒரு நாடே முடங்கினாலும் இணையம் மூலம் நாட்டின் மக்களை இணைக்கக் கூடிய ஒரு பாலம் தான் இணையதளம் எனும் வலைதளம். இனி உள்ள காலம் இணைய உலகமாகவே இருக்கும் என்பதில் மாற்றுக்கருத்திருக்க முடியாது. நமது சமூக சீர்திருத்த கருத்துக்களை வெளிப்படையாக பேச வலைதளம் அவசியம். ஒவ்வொரு யுகத்திற்கும் ஒரு பெயர் உண்டு.
நாம் வாழும் யுகமே வலையுகம்.
பல யுகமாய்…
தலைமுறையாய்….
அவலங்கள் பலவற்றை பார்த்துவிட்டோம்…
அவற்றையெல்லாம் கலைந்திடவே…
வலையுகத்தில் அணிவகுப்போம்….
அன்புடன்
முத்துப்பேட்டை முஹம்மது அலீம்
